2022 жылғы 17 қазанда біздің кәсіпорында Астана қаласы бойынша ЭТД өкілі Айгүл Кәлімгерейқызы Асановамен кездесу өтті.
Кездесу барысында пирамида ұғымдары, олардың желілік маркетингтен айырмашылығы неде екендігі түсіндірді. Қылмыстық істердің кейстері ашылды.
Белгілі болғандай, кейбіреулер алаяқтардың қулықтарына тап болды.
Қаржы пирамидасының негізін қалаушылар инвесторларға ұзақ уақыт бойы қолдау көрсетілмейтін жоғары табыс табуға уәде етеді. Пирамиданың барлық қатысушылар алдындағы міндеттемелерін өтеуі мүмкін емес.
Қаржы пирамидалары өздерін кез келген ұйым ретінде көрсетуі мүмкін. Көбінесе олар өздерін инвестициялық кәсіпорын ретінде көрсетеді. Өз жарнамаларында олар «перспективалы бизнес», «жоғары технологиялық компания», «инновациялық жоба» деген ұрандарды қолданады. Сондай-ақ алаяқтар өздерін басқарушы компаниялар, тұтыну кооперативтері, букмекерлік кеңселер және т.б. болып көрсетеді.
«Әлеуметтік желілер мен мессенджерлерде пирамидалардың саны артып келеді. Сондықтан сізді түрлі чаттарға, әлеуметтік желілердегі жалпы әңгімеге қосылуға шақырғанда абай болыңыз. Онлайн-пирамиданың құрығына ілігуіңіз мүмкін!»,- деп ескертеді А.К. Асанова.
Департамент қызметкерлері азаматтарды қырағы болуға және өз жинақтарын күмәнді қаржы ұйымдарына салмауға шақырды. Егер Сіз қаржы пирамидасына тап болсаңыз, онда Желтоқсан көшесі, 43 мекенжайындағы бойынша Астана қаласы бойынша Экономикалық тергеу департаментіне, 87172-76-79-43 телефоны бойынша дереу хабарласуыңызды сұраймыз.
