Жаңалықтар

Жаңалықтар

ТМРБжТҚҚК – Астана қаласы Департаменті «Қоғамдық қабылдау» өткізеді.

Қазақстан Республикасы Ұлттық экономика министрлігі Табиғи монополияларды реттеу, бәсекелестікті және тұтынушылардың құқықтарын қорғау комитетінің тапсырмасын орындай отырып және бұзушылықтарға жол бермеу, сондай-ақ уәкілетті органның ТКШ қызметтерін тұтынушылармен кері байланысын қамтамасыз ету мақсатында, Қазақстан Республикасы Ұлттық экономика министрлігі Табиғи монополияларды реттеу, бәсекелестікті және тұтынушылардың құқықтарын қорғау комитетінің Астана қаласы бойынша департаменті коммуналдық саланың проблемалық мәселелері бойынша азаматтардың қоғамдық қабылдауын өткізеді.

Қоғамдық қабылдау 2018 жылғы 12 қараша күні, сағат 9:00-ден 18.00 аралығында (13.00 – 14.30 түскі үзіліс)  Астана қаласы, Тәшенов көшесі 25 үйінің 2-қабатында өтеді.

Осыған байланысты, Департамент тұтынушыларды және басқада мүдделі тұлғаларды қоғамдық қабылдауға қатысуға шақырады.

Әрбір қатысуға қалаушы тұтынушы ретінде өзінің құқықтары туралы және өзге де саладағы мәселерді шешу жолдары бойынша түсіндірме алуға болады.

Анықтама үшін телефон: (87172) 68-44-83.

Астана қаласының әкімшілік аумағында құрылыс салумен, қайта жаңартумен және жөндеумен айналысатын жеке және заңды тұлғаларға арналған ақпарат

«Астана-Теплотранзит» АҚ Сіздердің назарларыңызды аударады және жылу желiлерiнің күзету аймақтарында өндірістік қызметті жүзеге асыратын шаруашылық субъектілерінің барлық басшыларын және 2015 жылғы 20 наурыздағы № 231 «Электр және жылу желiлерiн күзету, электр және жылу желілерінің күзету аймақтарында жұмыс жүргізу қағидаларының» 68-тармағының нормаларына сәйкес әрекет етуін сұрайды:

«Жылу желілерінің күзету аймақтары шектерінде иелігінде осы желілер бар ұйымдардың жазбаша келісімінсіз:

1) кез-келген объектілерді және құрылыстарды салу, монтаждау және жердегі жұмыстарын жүргізуге;

2) тиеу-жүктеу жұмыстарын жүзеге асыруға, әр түрлі алаңдарды салуға, автокөлік тұрақтарын орнатуға, әр түрлі материалдарды жинауға;

3) қоршауларды және дуалдарды салуға;

4) ұңғыма және шуфр құрылғыларымен байланысты іздеу және басқа жұмыстарды жүргізуге;

5) жолдың немесе жердің үстінен жалпы биіктігі 4,5 м артық жүкпен немесе жүксіз машиналардың және тетіктердің жүрісін жасауға (эстакадағы автокөліктің астында төселген жерасты құбырларының астында) тыйым салынады.

Жылу желілерінің күзету аймақтарында жер жұмыстарын жүргізуге қатысты барлық мәселелер бойынша І.Жансүгірұлы көшесі, 7 мекенжайына, info@a-tranzit.kz электрондық мекенжайына немесе мына телефондар арқылы хабарласу қажет:

жұмыс күндері:

Өндірістік қызмет – тел.77-12-13;

Қабылдау бөлімі – тел.77-12-02; факс – 54-75-98,

Техникалық кеңсе бөлімі – тел.77-12-24;

демалыс және мереке күндері:

жедел-диспетчерлік қызмет – тел.77-12-00, 77-12-11.


Биылдан бастап Астанада жылу тарифі өзгерді.

Үстіміздегі жылдың 1 қаңтарынан бастап «Астана-Теплотранзит» АҚ табиғи монополиялар субъектісінің жаңа тарифтік саясаты іске қосылды, онда бекітілген 2016-2020 жж. арналған ұзақ мерзімді тарифтер бойынша жұмыс істеу қарастырылған.

2016 жылдың 1 қаңтарынан бастап жылу энергиясын тасымалдау тарифі ҚҚС-сыз 1 Гкал үшін 1070 теңге мөлшерінде бекітілді, өсім 7% құрады. Қазақстан Республикасы Ұлттық экономика министрлігі Статистика комитетінің мәліметінше, 2015 жылы нақты инфляция 13,6% болған.

Жылу энергиясын тасымалдау қызметінің қымбаттауына инвестициялық салымдардың артуы, жылу желілерін ұстау мен пайдалану үшін қажетті энергоресурстар, шикізат пен материалдар бағасының көтерілуі себеп болды.

Айта кетейік, «Астана-Теплотранзит» АҚ 571 км жылу трассасы мен 10 сорғы станциясына қызмет көрсетеді. Жылу желілері қалпына келтіріліп, арнайы техника жаңартылады, бұл көлік құралдарын жалдауға жұмсалатын ақыны азайтуға, ескі құралдарды ауыстырып, заманауи құрылғылар мен жүйелер сатып алуға мүмкіндік береді.

Жылу желілерінің үздіксіз сенімді жұмысын қамтамасыз етеді.

Айта кетейік, Астанада тарифтердің ең төмен орташа көрсеткіштерінің бірі тіркелген, бұл ретте елорда 14-ші орында.